Den historesche Musée vun der Haaptstad, de Lëtzebuerg City Museum, presentéiert a senger Dauerausstellung iwwer 1000 Joer Geschicht. D’Schlësselmomenter vun der Geschicht kann een duerch interaktiv Statioune a Multimedia- Animatiounen mat Stadmodeller entdecken. Et ginn awer och reegelméisseg aussergewéinlech Ausstellungen. De Musée ass besonnesch interessant duerch seng spektakulär Architektur, säi Panoramalift a seng Lag no bei der Corniche am historesche Stadzentrum.

Offere fir Familljen a Kanner 

D’App “The Luxembourg Story” fir Kanner  

De Luxembourg City Museum stellt eng Gratis mobil App mat dem Titel „Lëtzebuerg City Museum – The Luxembourg Story” zur Verfügung. Mam Mupp Mil an dem Vull Edouard kënnen d’Kanner sech op “Kids on Tour” beginn – eng speziell Audioféierung fir Kanner. Duerch informativ a lieweg Gespréicher huelen de Mil an den Edouard iech mat duerch 1000 Joer Geschicht vun der Haaptstad. D’Richtungsindikatiounen a Form vu Fotoe mat Feiler hëllefen di der Orientéierung duerch d’Reim, fir einfach vu Statioun zu Statioun ze kommen.

An der App ass och de “Kids quiz”, bei dem d’Kanner hiert neit Wëssen teste kënnen. Packt Dir et, all 10 Schanken ze sammelen?

Sou geet et: De Smartphone mam WLAN verbanne. Wielt de gratis WLAN “MuseeGuest” aus. Lued d’App ‚LuxStory/Lëtzebuerg City Museum: The Luxembourg Story‘ erof, andeems Dir de QR-Code scannt. Oder gitt direkt an de Google Playstore (Android) oder den Apple App Store (iOS) a luet d’App erof.  Maacht d’App op an erlaabt den Zougrëff op Är Positioun (am Musee). Maacht w.e.g. och Bluetooth un. Op Demande fanne Workshops a Féierungen zu folgenden Theme statt:

Melusina a Siegfried  

Am Zenter vun der Dauerausstellung vum “Lëtzebuerg City Museum” gëtt de klenge Kanner d’Legend vum éischte Grof vu Lëtzebuerg, dem Siegfried an der Nix Melusina verzielt. Dono kënnen d’Schüler hir Andréck mat Waasser, dem Liblingselement vum Melusina, an ee Bild iwwerdroen.  De Public sinn hei Kanner vum Precoce bis zum 1. Zykel vun der Grondschoul. Zil ass et, d’Kanner un déi wichtegst Legenden vu Lëtzebuerg erun ze féieren.

D’Abenteuer vum Rénert  

Inspiréiert vu groussen däitschen a franséische Schrëftsteller hu Rodange an Dicks hir eegen Geschichten iwwer d’Märchefigur vum gewëtzte Fuuss op Lëtzebuergesch geschriwwen, dee Kanner an Erwuessener zum Laache bréngt. Nom Besuch am Musée, bei dem d’Kanner d’Abenteuer vum Fuuss lauschteren an déi bekannte Rénert-Skulptur vum Jean Curot kucken, ginn si an den Atelier fir eng mëll “Rénert”-Marionett oder en Tableau ze maachen. De Public fir de Geschichtenzerzielbesuch ass den 1. Grondschoul-Zykel, de Public fir d’Marionettenhierstellung ass den 3. Grondschoul-Zykel. D’Ziler sinn d’Aféierung an d’Geschicht vun der Lëtzebuerger Literatur an d’Entdeckung vun der Entwécklung vun der nationaler Identitéit vu Lëtzebuerg mat Bléck op d’Literatur.

Lëtzebuerg am Mëttelalter  

D’Ausstellung invitéiert op d’Entdeckung vun dëser faszinéierender Epoch vun der Geschicht vun der Stad Lëtzebuerg. Mat Hëllef vu Modeller, Akten an archeologeschen Objeten kann een an der Dauerausstellung an d’Zäit vum 10. Joerhonnert zréckgoen a gewuer ginn, wéi sech d’mëttelalterlech Stad no an no vun der einfacher Buerg “Lucilinburhuc” entwéckelt huet. Dono gëtt d’archeologesch Krypta (virum Palais Grand-Ducal) besicht. Hei fënnt een d’Iwwerreschter vun der mëttelalterlecher Stadmauer aus dem 12. Joerhonnert.  De Public hei si Kanner ab dem 3. Grondschoul-Zyklus an aus dem Secondaire.

Lëtzebuerg a seng Rousen  

Ufanks vum 20. Joerhonnert war d’Stad Lëtzebuerg weltberüümt fir seng Rousen, Rousegäert a Rousenziichter. Déi Zorten, déi zu Lëtzebuerg ugebaut goufen sinn an d’ganz Welt exportéiert ginn an dëse Maart hat e wichtegen Afloss op d’Wirtschaft vum Land. Bei engem Besuch an der Dauerausstellung “The Luxembourg Story: Iwwer 1000 Joer Stadgeschicht” ginn d’Kanner méi iwwer d’Geschicht vun de Rousen zu Lëtzebuerg gewuer. Sie gi méi gewuer iwwer d’Plazen, wou Rousen ugebaut goufen, d’Leit, déi se gezillt a verkaf hunn an iwwer déi verschidde Rousenzorten. An engem zweete Schrëtt kënnen d’Kanner aus echte Rouseblieder hiren eegene Pabeier hierstellen.   De Public sinn hei d’Kanner ab dem 2. Grondschoul-Zykel. Zil ass eng Aféierung an d’Geschicht vun de Rousen zu Lëtzebuerg, awer och an d’Pabeierhierstellung. Déi Féierung dauert ongeféiert 2 Stonnen.

  • Adress:  14, rue du Saint-Esprit, L-1475 Luxembourg. Websäit: https://citymuseum.lu  
  • Wéi kommen ech dohin?  Vel’oh: Knuedler, Parkings: Saint-Esprit, Knuedler, Ëffentlechen Transport: Gare → Musée: Linnen N° 9, 14 (Arrêt: „Um Bock“), Linn N°19 (Arrêt: „Cathédrale“)  
  • Aktuell Ëffnungszäiten: Dënschdes bis sonndes vun 10.00 bis 18.00, Donneschdes vun 10.00 bis 20.00  
  • Entréestariff:  Erwuessener 5 €. Reduzéierten Tariff:   Jonk Leit tëschent 21 an 26 Joer (ouni Studentepass), Besëtzer vun der Carte jeunes, Persounen iwwer 60 Joer: 3 €. Mat Kulturpass: 1,5 €  
  • Fräi Entrée:  All Donneschdes vun 18.00 bis 20.00. Fir jonk Leit ënner 21 Joer. Studenten ënner 26 Joer mat Studentepass. Leit mat enger Behënnerung a Besëtzer vu folgend Passen: muséeskaart, LuxembourgCard, Amis des Musées Luxembourg, ICOM a Leit vun der Press.